پنجاب کے پہلے سرکاریجناح اسپتال لاہور میں گردے کی پیوندکاری کا آغا

پنجاب کے پہلے سرکاری اسپتال میں گردے کی پیوندکاری کا آغاز ہو گیا۔
– جناح اسپتال کے مطابق گردے کی پیوندکاری کا عمل مکمل طور پر مفت میں کیا
جناح اسپتال لاہور کے ڈاکٹر شبیر چوہدری نے بتایا کہ رحیم یار خان کی شمیم نے اپنے شوہر عصمت اللّٰہ کو گردہ عطیہ کیا ہے۔
اُنہوں نے بتایا کہ گردے کے ٹرانسپلانٹ کے بعد دونوں میاں بیوی کی طبیعت بہتر ہے اور ان دونوں کو 4 دن بعد وارڈ میں منتقل کر دیا گیا ہے۔
ڈاکٹر شبیر نے بتایا کہ انچارج کڈنی ٹرانسپلانٹ یونٹ پروفیسر ڈاکٹر نوید اقبال کی سربراہی میں گردے کی پیوند کاری کی گئی ہے۔
ان کا کہنا ہے کہ جناح اسپتال لاہور میں پہلا کڈنی ٹرانسپلانٹ کیا گیا ہے۔
ڈاکٹر شبیر چوہدری نے بتایا ہے کہ عصمت اللّٰہ نامی جس مریض کا کڈنی ٹرانسپلانٹ کیا گیا اس کی عمر 30 سال ہے اور وہ موٹر مکینک ہے۔
واضح رہے کہ اس سے پہلے پاکستان لیور اینڈ کڈنی ٹرانسپلانٹ سینٹر میں ہی گردے کی پیوند کاری کی جاتی تھی۔

ترجمان کڈنی ٹرانسپلانٹ یونٹ جناح اسپتال کے مطابق گردے کی پیوندکاری کا عمل مکمل طور پر مفت میں کیا گیا۔

اس خبر پر اپنی رائے کا اظہار کریں

اپنا تبصرہ بھیجیں