کویت نے فیملی اور وزٹ ویزوں کے اجراء پر پابندی عائد کر دی

روزنامہ الجریدہ کی رپورٹ کے مطابق وزارت تعلیم کے انڈر سیکرٹری برائے انتظامی امور رجہ بوارکی نے تعلیمی زونوں میں پاسپورٹ محکموں کے ملازمین کے لیے اسکولوں میں کام کرنے والے غیر ملکی اساتذہ کے اقامہ تجدید کے طریقہ کار کے حوالے سے تربیتی کورسز شروع کرنے کا اعلان کیا۔

ایک پریس بیان میں، بوارکی نے وضاحت کی کہ وزارت نے تعلیمی زونز میں اس سروس کو فراہم کرنے کے لیے وزارت داخلہ کے ساتھ اتفاق کیا ہے جس کا مقصد طریقہ کار کو آسان بنانا ہے جو تارکین وطن کے لیے لین دین کی تیزی سے تکمیل میں معاون ہے۔ محکمہ ترقی اور پیشرفت تعلیمی زونز میں پاسپورٹ کے محکموں کے تمام ملازمین کے لیے ان تربیتی کورسز کا اہتمام کرے گا تاکہ انہیں یہ بتایا جا سکے کہ وزارت داخلہ کی طرف سے اقامتی مقاصد کے لیے استعمال کیے جانے والے پروگرام سے کیسے نمٹا جائے، اس کے علاوہ اپنے اقامہ لین دین کو مکمل کرنے کے خواہشمند افراد کی ملاقاتوں کی بکنگ سے متعلق طریقہ کار سے بھی آگاہ کیا جائے گا۔ وزارت داخلہ کوویڈ19 کی وبا کے آغاز سے لے کر اب تک اس سروس کی فراہمی میں بہت تعاون کرتی رہی ہے کیونکہ یہ سروس تعلیمی زونز اور وزارت کے ہیڈ آفس کو شامل کرنے کے لیے تیار کی گئی ہے۔

دریں اثنا، وزارت تعلیم میں ترقی اور پیش رفت کے شعبہ کے ڈائریکٹر فیصل الجوتیلی نے مختلف شعبوں میں خدمات کی ترقی اور ڈیجیٹل تبدیلی کو نافذ کرنے کے لیے وزارت کی خواہش کی تصدیق کی۔ انہوں نے کہا کہ وزارت نے حال ہی میں چھ تعلیمی زونوں میں غیر ملکی اساتذہ اور منتظمین کے لیے اقامہ کی تجدید کی سروس فراہم کرنے کے لیے وزارت داخلہ کے ساتھ مل کر کام کیا ہے۔

محکمہ انسانی وسائل کے ڈائریکٹر سعود الجوائزر کی موجودگی میں جابریہ ٹریننگ سنٹر میں حولی اور الجہرہ کے علاقوں میں پاسپورٹ محکموں کے ملازمین کے لیے تربیتی ورکشاپ میں شرکت کے دوران الجوتیلی نے کہا کہ

وزارت نے تمام غیر ملکی کارکنوں کے لیے تعلیمی زونز میں اقامہ کی تجدید کی خدمات کو چلانے کے لیے طریقہ کار مکمل کر لیا ہے۔

انہوں نے وضاحت کی کہ اس سروس کا مقصد وزارت کے ہیڈ آفس میں پاسپورٹ ملازمین پر دباؤ کو کم کرنا اور ان کے تعلیمی زون میں اساتذہ کے لیے آسان اور تیز رفتار طریقے سے سروس فراہم کرنا ہے۔ محکمہ اس تربیتی کورس کو چھ تعلیمی زونز میں پاسپورٹ کے محکموں کے تمام کارکنوں کے لیے منعقد کرے گا تاکہ

یہ ملازمین تجدید کی خدمات چلا سکیں اور وزارت داخلہ کے طے کردہ طریقہ کار اور کنٹرول کے مطابق تعلیمی زونز میں کام کرنے والے غیر ملکی ملازمین کو معلومات منتقل کر سکیں۔ دوسری جانب

وزارت داخلہ نے نائب وزیر اعظم و وزیر داخلہ لیفٹیننٹ جنرل شیخ احمد النواف کی کی جانب سے جاری کردہ ہدایت کے مطابق پر آج سے فیملی اور سیاحت کے لیے عارضی طور پر وزٹ ویزے جاری کرنے سے روکنے کا نوٹس جاری کیا ہے جب تک کہ ریزیڈنسی افیئر ڈیپارٹمنٹ کی طرف سے نیا میکنزم متعارف نہیں کیا جائے گا۔

بحوالہ: کویت اردو نیوز

اپنا تبصرہ بھیجیں