موجودہ حالات میں بیرون ممالک سفر کرنے سے گریز کیا جائے: وزارت صحت کویت

کورونا کیس حیرت انگیز حد تک کی تعداد میں ریکارڈ کئے جا رہے ہیں اور ہم مطالبہ کرتے ہیں کہ جب تک ضروری ہو سفر نہ کریں: کویت وزارت صحت

تفصیلات کے مطابق ملک میں وبائی امراض کی صورتحال کا جائزہ لینے کے ایک حصے کے طور پر وزارت صحت نے اشارہ کیا کہ ملک میں انفیکشن کے یومیہ کیس اب بھی بڑی تعداد میں ریکارڈ ہو رہے ہیں۔ انہوں نے اس بات پر زور دیا کہ تکنیکی ٹیموں کی جانب سے ہسپتالوں کے اندر کیس، کوویڈ 19 وارڈز، نگہداشت کے لیے صحت کے اداروں میں استعمال ہونے والے روک تھام اور علاج کے پروٹوکول کے لیے بھرپور پیروی کی جا رہی ہے۔ وزارت نے شہریوں اور رہائشیوں سے پھر سے اپیل کی ہے کہ وہ ویکسی نیشن کو مکمل کرنے کے لیے پہل کریں، بوسٹر ڈوز لیں، ناک اور منہ کو ڈھانپے اور اجتماع کی جگہوں پر صحت کے رہنما اصولوں پر عمل کریں۔

وزارت نے معاشرے کے تمام ممبران سے بھی مطالبہ کیا کہ وہ سفر کو ضروری معاملات تک ہی محدود رکھیں اور بیرون ملک سے کویت آنے والوں کو قرنطینہ کی مقررہ مدت پر عمل کرنے، اس کے کنٹرول کی پابندی کرنے اور دوسروں کے ساتھ گھلنے ملنے سے گریز کرنے کی تلقین کی ہے۔ وزارت نے مزید کہا کہ بیماری محسوس ہونے کی صورت میں دوسروں کے ساتھ گھلنے ملنے سے گریز کیا جائے خاص طور پر سانس کی علامات جیسے بہتی ناک، چھینک، کھانسی، گلے میں خراش یا اگر بیمار، سردرد یا بخار محسوس ہو۔ وزارت نے اس بات پر زور دیتے ہوئے کہا کہ ہم سب کی مشترکہ ذمہ داری ہے، اور سب کے تعاون سے ہم بہترین نتائج کے ساتھ اس مرحلے کو عبور کریں گے۔

بحوالہ: کویت اردو نیوز

اپنا تبصرہ بھیجیں