کویت: غیرملکیوں کے ڈرائیونگ لائسنس خطرے میں، وزارت داخلہ نے بڑا فیصلہ کر لیا

تمام غیر ملکیوں کے ڈرائیونگ لائسنس کی تجدید کا عمل روک دیا گیا ہے، غیر ملکیوں کے ڈرائیونگ لائسنس کی واپسی 26 دسمبر سے شروع ہوگی۔

تفصیلات کے مطابق کویت میں موجود تمام غیر ملکیوں کو اس وقت اپنے ڈرائیونگ لائسنس کی تجدید سے اچانک روک دیا گیا ہے کیونکہ حکام شرائط پر پورا نہ اترنے والے تارکین وطن کے ڈرائیونگ لائسنس واپس لینے کے طریقہ کار کا انتظار کر رہے ہیں۔ ڈرائیونگ لائسنس کی تجدید کے لیےخودکار نظام تک رسائی کو روکنے کے لیے یہ فیصلہ تقریباً ایک ہفتہ قبل نافذ کیا گیا تھا۔ وزارت داخلہ کے انڈر سیکرٹری ٹیم فیصل النواف کی طرف سے تشکیل دی گئی تکنیکی کمیٹی کی جانب سے طریقہ کار کی تصدیق ہونے تک گمشدہ لائسنس کی تجدید، تبدیلی اور درخواست نہ دینے کی ہدایات جاری کی گئیں۔

ذرائع نے بتایا کہ یہاں تک کہ اگر تارکین وطن ڈرائیونگ لائسنس رکھنے کی تمام شرائط پر پورا اترتے ہیں، تب بھی محکمہ ٹریفک نے تجدید اور دیگر لین دین کی وصولی روک دی ہے۔ الرای کی رپورٹ کے مطابق ٹریفک حادثات کی صورت میں میعاد ختم ہونے والے ڈرائیونگ لائسنس رکھنے والوں کو قانونی نتائج کا سامنا کرنا پڑے گا جبکہ کویتی شہری بھی اس فیصلے سے متاثر ہوئے ہیں کیونکہ ان کے ڈرائیوروں اور کارکنوں کے ڈرائیونگ لائسنس کی میعاد ختم ہو چکی ہے۔ ٹریفک گشت کرنے والوں کو بریف کیا گیا ہے کہ وہ ان لوگوں کے خلاف ٹریفک کی خلاف ورزی کا اندراج کریں جو ایکسپائر لائسنس کے ساتھ گاڑی چلاتے ہیں۔

26 دسمبر سے غیر قانونی طور پر حاصل کرنے والے غیر ملکیوں کے ڈرائیونگ لائسنس منسوخ کر دیے جائیں گے۔ چونکہ افرادی قوت اور رہائشی امور کے نظام ایک دوسرے سے جڑ چکے ہیں لہٰذا جو شرائط پوری کرتے ہیں انہیں لائسنس کی تجدید کی اجازت ہوگی۔ خودکار نظام ماضی اور موجودہ پیشے، تنخواہ اور یونیورسٹی کی ڈگری کی تصدیق کرتا ہے۔ یاد رہے کہ ٹریفک ڈپارٹمنٹ نے ڈرائیونگ لائسنس کی تجدید کے خواہشمند تارکین وطن کے معاملات وصول کرنے سے انکار کر دیا ہے۔ بہت سے غیر ملکی قانونی لائسنس کے بغیر گاڑی چلانے کی وجہ سے خلاف ورزی کرنے کے مرتکب ہو چکے ہیں جبکہ کویتی شہری بھی اس فیصلے سے متاثر ہوئے ہیں کیونکہ ان کے گھریلو ملازمین (ڈرائیوروں) کے ڈرائیونگ لائسنس کی میعاد ختم ہو چکی ہے۔ اس فیصلے سے کویتی شہریوں کی غیر کویتی بیویاں اور ان کے بچے بھی متاثر ہوئے ہیں یہاں تک کہ اگر تارکین وطن شرائط پر پورا اترتے ہیں تو فی الحال اپنے لائسنس کی تجدید نہیں کر سکتے۔ صرف کویتی، خلیجی شہری اور بیدون ہی تجدید کر سکتے ہیں۔ انشورنس کمپنی ڈرائیونگ لائسنس کی میعاد ختم ہونے والوں کے لیے کسی حادثے کا احاطہ نہیں کرے گی۔

بحوالہ : کویت اردو نیوز

اپنا تبصرہ بھیجیں