وزارت صحت نے کویت چھوڑنے اور واپس آنے کے لئے ضروری طریقہ کار کی تفصیلات جاری کر دیں

وزارت صحت نے کویت چھوڑنے اور واپس آنے کے لئے ضروری صحت کے طریقہ کار کی تفصیلات ظاہر کیں۔ وزارت نے ایک پریس ریلیز میں اشارہ کیا ہے کہ کویت مسافر پلیٹ فارم اور شلوونک ایپلی کیشن پر اندراج کرنا سب سے پہلا اور اہم جز ہے۔

اس میں اشارہ کیا گیا ہے کہ “22 مئی 2021ء بروز ہفتہ سے تمام ( کورونا حفاظتی ویکسین لینے کے بعد) شہریوں کو ملک سے باہر سفر کرنے کی اجازت ہو گی۔ وزارت نے اشارہ کیا کہ درج ذیل اقسام کو ویکسی نیشن کی ضرورت سے خارج کردیا گیا ہے۔

  • ایسے کویتی شہری جنہوں نے وزارت صحت سے منظور شدہ سند حاصل کی ہو جس میں واضح ہو کہ وہ صحت کی وجوہات کی بناء پر ویکسین حاصل کرنے سے قاصر ہیں۔
  • حاملہ شہری خواتین بشرطیکہ وہ وزارت صحت کے ذریعہ جاری کردہ اور منظور شدہ حمل کے ثبوت کا سرٹیفکیٹ پیش کریں۔
  • مخصوص عمر کے افراد (بچے وغیرہ) جو ویکسی نیشن لینے سے مشروط ہیں۔
  • بیرون ملک تعلیم حاصل کرنے والے کویتی طلباء کو بیرون ملک مطالعہ کے ثبوت کے ساتھ کوویڈ 19 ویکسین کی کم از کم ایک خوراک موصول ہونے کے بعد فوری طور پر کویت سے روانہ ہونے کی اجازت ہے جبکہ اس بات کی ضرورت نہیں ہے کہ پہلی خوراک ملنے کے بعد دو ہفتے گزر چکے ہوں۔

وزارت صحت نے روزانہ صبح 8 بجے سے شام 5 بجے تک اسلامی میڈیکل سنٹر میں ٹریولر کلینک کا جائزہ لے کر رعایت حاصل کرنے کے طریقہ کار کا حوالہ دیا۔

ویکسین شدہ افراد:

  • پی سی آر ٹیسٹ ہوائی جہاز میں سوار ہونے کی تاریخ سے 72 گھنٹوں کے اندر پیش کرنا بشرطیکہ نتائج درست ہوں۔
  • کویت مسافر اور شلوونک ایپلی کیشن پر اندراج کریں۔
  • کویت پہنچنے کی تاریخ سے 3 دن کے اندر اندر پی سی آر ٹیسٹ ہو گ، نتیجہ منفی آنے پر قرنطین نہیں کیا جائے گا۔

غیر ویکسین شدہ افراد:

  • ہوائی جہاز میں سوار ہونے کی تاریخ سے 72 گھنٹوں کے اندر اندر پی سی آر ٹیسٹ جمع کروائیں۔
  • کویت مسافر اور شلوونک ایپلی کیشن پر اندراج کریں۔
  • کویت ریاست کے ہوائی اڈے پر پہنچنے پر پی سی آر ٹیسٹ کیا جائے گا۔
  • 14 دن کی مدت کے لئے قرنطین، جس میں 7 دن کے لیے گھر سے باہر (ادارہ جاتی) قرنطین، ساتویں دن ایک سمیر ٹیسٹ ہو گ اور اگلے 7 دن کا قرنطین گھر میں ہی کرنا ہو گا۔

ریاست کویت میں واپس آنے کے لئے ضروری صحت کے طریقہ کار کے سلسلے میں وزارت نے بتایا کہ وہ مندرجہ ذیل ہیں:

  • جو بھی شخص کویت ریاست سے منظور شدہ ویکسین میں سے کسی ایک کی کم از کم ایک خوراک وصول کرتا ہے اور اس کی مدت دو ہفتوں (14 دن) سے بھی کم گزرتی ہے۔
  • ایسے افراد جو کوویڈ 19 بیماری سے صحت یاب ہوچکے ہیں اور صحت یاب ہوئے 90 دن سے زیادہ کا عرصہ نہ گزرا ہو۔

کویت 19 ویکسین کویت ریاست میں وزارت صحت کے ذریعہ 04 منظور شدہ ویکسین درج ذیل ہیں:

  1. فائزر بایونک ویکسین
  2. آسٹرا زینیکا آکسفورڈ ویکسین
  3. موڈرننا ویکسین
  4. جانسن اور جانسن ویکسین

مندرجہ ذیل زمروں کواداراتی قرنطین سے استثناء حاصل ہے:

  • کویتی مریض اور ان کے ساتھی۔
  • کویت میں مقیم سفارت کاروں، ان کے فرسٹ ڈگری کے رشتہ داروں اور ان کے ہمراہ گھریلو ملازمین۔
  • ساتھی کے بغیر تنہا سفر کرنے والے 18 سال سے کم عمر بچوں کو تنہا سفر کرنے سے روکا گیا ہے۔
  • طبی عملہ اور ان کے فرسٹ ڈگری کے رشتہ دار اور ان کے گھریلو ملازمین۔
  • بیرون ممالک تعلیم حاصل کرنے والے کویتی طلباء بشرطیکہ وہ اس بات کا ثبوت دیں کہ وہ بیرون ممالک تعلیم حاصل کررہے ہیں۔

ذرائع: الرائی۔ کویت اردو نیوز

اپنا تبصرہ بھیجیں