او آئی سی کا کشمیریوں کے حق خودارادیت کے حصول کی حمایت کا اعادہ.

نڈیا کے زیر انتظام کشمیر کے بار ے میں اسلامی تعاون تنظیم (او آئی سی) کے رابطہ گروپ نے نیویارک میں اپنے آن لائن اجلاس میں اقوام متحدہ کی قراردادوں کے تحت کشمیریوں کی حق خودارادیت کے حصول کی منصفانہ جدوجہد کی غیر متزلزل حمایت کا اعادہ کیا ہے۔
ریڈیو پاکستان کے مطابق نیو یارک میں رابطہ گروپ کے ایک بیان میں ’انڈیا کی جانب سے کشمیر میں بنیادی انسانی حقوق کی جاری خلاف ورزیوں پر گہری تشویش ظاہر کی گئی۔‘
اجلاس میں جس میں پاکستان، سعودی عرب، نائیجر، ترکی، اور آذربائیجان کے مستقل نمائندوں نے شرکت کی۔
رابطہ گروپ نے اقوام متحدہ کے سیکرٹری جنرل اور عالمی ادار ے کی سلامتی کونسل اور انسانی حقوق کونسل پر زور دیا کہ ’وہ غیر قانونی طور پر بھارت کے زیر انتظام جموں و کشمیر میں انسانی حقوق کی خلاف ورزیاں بند کرانے اور پانچ اگست2019 کو اور اس کے بعد کیے گئے یکطرفہ اور غیر قانونی اقدامات کے خاتمے کے لیے انڈیا پر دباو ڈالے۔‘
اجلاس میں اقوام متحدہ پر زور دیا گیا کہ ’وہ سلامتی کونسل کی ان قراردادوں پر عملدرآمد کرائے جس میں کشمیریوں کو حق خودارادیت استعمال کرنے کا موقع دینے کے لیے رائے شماری پر زور دیا گیا ہے۔‘

اپنا تبصرہ بھیجیں